பொதுவான கேள்விகள்

பெற்றோர் தங்களது பிள்ளையோ டீன் ஏஜரோ Android, ChromeOS ஆகிய சாதனங்களைப் பயன்படுத்தும்போது அவரது நடவடிக்கைகளைக் கண்காணிக்கவும் ஆன்லைனில் அவரது பாதுகாப்பை உறுதிசெய்யவும் Google வழங்கும் Family Link உதவும்.

முதலில் பிள்ளை/டீன் ஏஜரிடம் இணக்கமான சாதனம் இருக்க வேண்டும் (Family Link எந்தெந்தச் சாதனங்களில் வேலை செய்யும் என்பதைப் பாருங்கள்). அதன்பிறகு பிள்ளை/டீன் ஏஜரைச் சாதனத்தில் உள்நுழையச் செய்யவும். பிள்ளை/டீன் ஏஜர் ஏற்கெனவே Family Link மூலம் கண்காணிக்கப்படுபவராக இருந்தால் பெற்றோர் கட்டுப்பாடுகளை அமைக்க இந்த உள்நுழைவு அவருக்கு உதவும். டீன் ஏஜரை Family Link மூலம் ஏற்கெனவே கண்காணிக்கவில்லை எனில் பெற்றோரும் Android அமைப்புகளில் இருந்து Family Linkகைச் சேர்க்க முடியும்.

13 வயதிற்குட்பட்ட (அல்லது உங்கள் நாட்டில் பொருந்தக்கூடிய வயதிற்குட்பட்ட) பிள்ளைக்கு Google கணக்கைப் பெற்றோராலும் உருவாக்க முடியும். கணக்கை உருவாக்கியதும் பிள்ளைகள் அவர்களது புதிய கணக்கைப் பயன்படுத்தி சாதனத்தில் உள்நுழைய முடியும்.

கணக்குகள் இணைக்கப்பட்டதும் Family Linkகைப் பயன்படுத்தி பிள்ளையின் சாதனப் பயன்பாட்டு நேரத்தைக் கண்காணித்தல், அவரது வயதிற்கு ஏற்ற உள்ளடக்கத்தைப் பரிந்துரைத்தல் போன்றவற்றைப் பெற்றோரால் செய்ய முடியும்.

பொருத்தமற்ற உள்ளடக்கத்தை Family Link தடுக்காது. ஆனால் அதில் இருக்கும் அமைப்புகளில் வடிப்பான் விருப்பங்கள் இருக்கும். Search, Chrome, YouTube போன்ற குறிப்பிட்ட Google ஆப்ஸிற்கான வடிப்பான் விருப்பங்கள் Family Linkகில் இருக்கும். இந்த வடிப்பான்கள் துல்லியமானவை அல்ல. எனவே ஆபாசமான, கொடூரமான, உங்கள் பிள்ளை பார்க்கக்கூடாது என நீங்கள் கருதும் பிற உள்ளடக்கம் போன்றவை சில சமயங்களில் வடிப்பான்களையும் மீறித் தோன்றக்கூடும் என்பதை நினைவில் கொள்ளவும். ஆப்ஸ் அமைப்புகளையும் Family Link வழங்கும் அமைப்புகள் மற்றும் கருவிகளையும் ஆராய்ந்து பார்த்து, உங்கள் குடும்பத்திற்கு எது பொருந்தும் என்பதைத் தீர்மானிக்குமாறு பரிந்துரைக்கிறோம்.

ஆம். Lollipop (5.0) மற்றும் அதற்குப் பிந்தைய பதிப்புகளில் இயங்கும் Android சாதனங்களில் Family Linkகைப் பெற்றோர் பயன்படுத்தலாம்.

ஆம். iOS 11 மற்றும் அதற்குப் பிந்தைய பதிப்புகளில் இயங்கும் iPhoneகளில் Family Linkகைப் பெற்றோர் பயன்படுத்தலாம்.

பெற்றோரால் தங்கள் பிள்ளையின் கணக்கு அமைப்புகள் மற்றும் அம்சங்களில் பெரும்பாலானவற்றை வலை உலாவியில் நிர்வகிக்க முடியும். இதற்காக ஆப்ஸ் எதையும் பதிவிறக்க வேண்டியதில்லை.

சிறந்த பலன்களுக்கு, 7.0 (Nougat) அல்லது அதற்குப் பிந்தைய பதிப்புகளில் இயங்கும் Android சாதனங்களைப் பயன்படுத்துமாறு Family Link மூலம் கண்காணிக்கப்படும் சிறுவர்கள் அல்லது டீன் ஏஜர்களுக்குப் பரிந்துரைக்கிறோம். Android 5.0 மற்றும் 6.0 (Lollipop மற்றும் Marshmallow) பதிப்புகளில் இயங்கும் சாதனங்களிலும் Family Link அமைப்புகளைப் பயன்படுத்தலாம். மேலும் அறிய எங்கள் உதவி மையத்தைப் பார்க்கவும்.

ஆம், சிறுவர்களும் டீன் ஏஜர்களும் Chromebookகுகளில் தங்களின் Google கணக்கில் உள்நுழையும்போது அவர்களைக் கண்காணிக்க முடியும். பெற்றோர் தங்கள் பிள்ளையின் Chromebook மற்றும் கணக்கு அமைப்புகளை நிர்வகிப்பது போன்றவற்றைச் செய்யலாம். அத்துடன் இணையதளக் கட்டுப்பாடுகளையும் அமைக்கலாம். இங்கே மேலும் அறிக.

iOS, வலை உலாவிகள், பிற கண்காணிக்கப்படாத சாதனங்கள் போன்றவற்றில் சிறுவர்களும் டீன் ஏஜர்களும் உள்நுழைந்திருந்தால் அவர்களை முழுமையாகக் கண்காணிக்க முடியாது. சிறுவர்களும் டீன் ஏஜர்களும் தங்களது பெற்றோரின் அனுமதியுடன் iOS சாதனங்கள், வலை உலாவிகள் ஆகியவற்றில் தங்களது Google கணக்கில் உள்நுழையலாம். YouTube, Google Search ஆகியவற்றில் பெற்றோர் தங்கள் பிள்ளையின் கணக்கு அமைப்புகளில் சிலவற்றைத் தொடர்ந்து நிர்வகிக்கலாம். iOS சாதனம் அல்லது இணையத்தில் பிள்ளை உள்நுழைந்து Google ஆப்ஸையும் சேவைகளையும் அணுகும்போது இந்த அமைப்புகள் பயன்படுத்தப்படும். சிறுவர்கள் பயன்படுத்தக்கூடிய ஆப்ஸை நிர்வகித்தல், Chromeமில் அவர்கள் பார்ப்பவற்றை வடிகட்டுதல், சாதனத்தைப் பயன்படுத்துவதற்கான நேர வரம்புகளை அமைத்தல் போன்ற Family Link ஆப்ஸின் பிற அம்சங்கள் iOS சாதனம் அல்லது இணைய ஆப்ஸில் பிள்ளையின் செயல்பாடுகளுக்குப் பொருந்தாது. iOS சாதனங்கள் மற்றும் வலை உலாவிகளில் பிள்ளை/டீன் ஏஜர் உள்நுழைவது குறித்து மேலும் அறிக.

உங்கள் பிள்ளையின் Google கணக்கையும் Android சாதனத்தையும் அமைக்க சுமார் 15 நிமிடங்கள் தேவைப்படும்.

இல்லை. முதல் Android அல்லது ChromeOS சாதனத்தைப் பயன்படுத்துவதற்கு உங்கள் பிள்ளை தயாராக உள்ளாரா என்பதை நீங்கள்தான் முடிவு செய்ய வேண்டும்.

Google சேவைகளில் விளம்பரங்கள் காட்டப்படும் என்பதால் எங்கள் தயாரிப்புகளைப் பயன்படுத்தும்போது உங்கள் பிள்ளை விளம்பரங்களைப் பார்க்கக்கூடும். எனினும் பிரத்தியேகமாக்கப்பட்ட விளம்பரங்கள் அவர்களுக்குக் காட்டப்படாது. பிள்ளை ஆப்ஸில் விளம்பரங்களைப் பார்க்கும்போது அதைத் தெரிந்துகொள்வதற்கான கருவிகள் உங்களுக்குக் கிடைக்கும்.

ஆம். டீன் ஏஜர்களைக் கண்காணிக்க Family Link ஆப்ஸைப் பயன்படுத்தலாம். 13 வயதுக்கு மேற்பட்ட டீன் ஏஜர்கள் (அல்லது உங்கள் நாட்டில் பொருந்தக்கூடிய ஒப்புதல் அளிப்பதற்கான வயது) மற்றும் 18 வயதுக்குட்பட்டவர்கள் தங்கள் மீதான கண்காணிப்பை நிறுத்த பெற்றோரின் அனுமதி தேவை. பெற்றோராக, எப்போது வேண்டுமானாலும் நீங்கள் கண்காணிப்பை நிறுத்தலாம்.

இல்லை. பணியிடம் அல்லது பள்ளியில் பெற்ற கணக்குகளைக் கொண்டு குடும்பக் குழுவை நிர்வகிக்கவோ Family Link மூலம் கண்காணிக்கவோ முடியாது. Gmail கணக்கு போன்ற தனிப்பட்ட Google கணக்கை Family Link உடன் பயன்படுத்தலாம்.

பொதுவாக இல்லை. கண்காணிக்கப்படும் தனிப்பட்ட Google கணக்கைத் தவிர Google Workspace for Education கணக்கை மட்டுமே சிறுவர்களால் சேர்க்க முடியும். தயாரிப்பின் முக்கியச் செயல்பாடுகளை நிர்வகிக்க இந்தக் கட்டுப்பாடு எங்களுக்கு உதவுகிறது. உதாரணமாக, சாதனத்தில் மற்றொரு கணக்கு இருந்தால் சிறுவர்கள் அந்தக் கணக்கிற்கு மாறி அதன் மூலம் பெற்றோரின் அனுமதி இல்லாமல் Playயில் இருந்து ஆப்ஸைப் பதிவிறக்கலாம்.

உங்கள் பிள்ளை 13 வயதை (அல்லது உங்கள் நாட்டில் பொருந்தக்கூடிய ஒப்புதல் அளிப்பதற்கான வயதை) எட்டும்போது கண்காணிக்கப்படும் டீன் ஏஜர் கணக்காகத் தனது Google கணக்கை அவர் மாற்றலாம். இந்தப் புதுப்பிப்பு உங்கள் கண்காணிப்பைப் பாதிக்காது. உங்கள் பிள்ளையின் கண்காணிக்கப்படும் சாதனங்களுக்கான பெற்றோர் கட்டுப்பாடுகளையும் அமைப்புகளையும் நீங்கள் Family Link ஆப்ஸ் மூலம் தொடர்ந்து நிர்வகிக்க முடியும்.