જ્યારે બાળક અથવા કિશોર Android અને ChromeOS ડિવાઇસ પર શોધખોળ કરતા હોય, ત્યારે Googleની Family Link તેમના માતાપિતાને માહિતગાર રહેવામાં સહાય કરે છે.

પહેલા, બાળક/કિશોરને સુસંગત ડિવાઇસની જરૂર પડશે (કયા ડિવાઇસ Family Link સાથે કાર્ય કરે છે તે જુઓ). પછી, બાળક/કિશોર માટે ડિવાઇસમાં સાઇન ઇન કરો. જો બાળક/કિશોરનું નિરીક્ષણ પહેલેથી જ Family Link દ્વારા કરવામાં આવતું હોય, તો સાઇન-ઇન કરવાથી માતાપિતાના યોગ્ય નિયંત્રણો સેટ કરવામાં તેમને સહાય મળશે. જો કિશોરનું નિરીક્ષણ પહેલેથી Family Link દ્વારા ન કરવામાં આવતું હોય, તો માતાપિતા Android સેટિંગમાંથી પણ Family Link ઉમેરી શકે છે.

માતાપિતા તેમના 13 વર્ષથી ઓછી ઉંમર (અથવા તમારા દેશમાં લાગુ થતી ઉંમર)ના બાળક માટે Google એકાઉન્ટ પણ બનાવી શકે છે. એકવાર પ્રક્રિયા પૂર્ણ થઈ જાય, તે પછી બાળકો તેમના નવા એકાઉન્ટ વડે તેમના ડિવાઇસમાં સાઇન કરી શકે છે.

એકવાર એકાઉન્ટ લિંક થઈ જાય તે પછી માતાપિતા સ્ક્રીન સમય પર નજર રાખવા અને ઉંમરને અનુકૂળ કન્ટેન્ટ માટે તેમના બાળકને માર્ગદર્શન આપવા જેવી બાબતોમાં સહાય મેળવવા માટે Family Linkનો ઉપયોગ કરી શકે છે.

Family Link અનુચિત કન્ટેન્ટને બ્લૉક કરતી નથી, પરંતુ તેની અંદરના સેટિંગ તમને ફિલ્ટર કરવા માટેના વિકલ્પો પ્રદાન કરે છે. Search, Chrome અને YouTube જેવી Googleની અમુક ઍપમાં ફિલ્ટર કરવા માટેના વિકલ્પો હોય છે, જે તમને Family Linkમાં મળી શકે છે. કૃપા કરીને ધ્યાનમાં રાખો કે આ ફિલ્ટર પરિપૂર્ણ હોતા નથી, જેથી તમે કદાચ તમારા બાળકને બતાવવા ન માગતા હો તેવું સ્પષ્ટ, ગ્રાફિક અથવા અન્ય કન્ટેન્ટ પણ ક્યારેક તેમને જોવા મળી શકે છે. તમારા કુટુંબ માટે શું યોગ્ય છે તે નક્કી કરવા માટે, અમે ઍપ સેટિંગનો અને Family Link દ્વારા ઑફર કરવામાં આવતા સેટિંગ અને ટૂલનો રિવ્યૂ કરવાનો સુઝાવ આપીએ છીએ.

હા. માતાપિતા Lollipop (5.0) અને તે પછીના વર્ઝન પર ચાલતા Android ડિવાઇસ પર Family Link ચલાવી શકે છે.

હા. માતાપિતા iOS 11 અને તે પછીના વર્ઝન પર ચાલતા iPhones પર Family Link ચલાવી શકે છે.

માતાપિતા મોટેભાગે તેમના બાળકના તમામ એકાઉન્ટ સેટિંગ અને સુવિધાઓને વેબ બ્રાઉઝર પર મેનેજ કરી શકે છે. કોઈ ઍપ ડાઉનલોડ કરવાની જરૂર નથી.

શ્રેષ્ઠ પરિણામો માટે, અમે નિરીક્ષણ હેઠળના બાળકો અથવા કિશોરોને 7.0 (Nougat) અથવા તે પછીના વર્ઝન પર ચાલતા Android ડિવાઇસનો ઉપયોગ કરવાનો સુઝાવ આપીએ છીએ. Androidના 5.0 અને 6.0 (Lollipop અને Marshmallow) વર્ઝન પર ચાલતા ડિવાઇસમાં પણ કદાચ Family Link સેટિંગ લાગુ કરી શકાશે. વધુ જાણવા માટે, અમારા સહાયતા કેન્દ્ર પર જુઓ.

હા, જ્યારે બાળકો અને કિશોરો Chromebooks પર તેમના Google એકાઉન્ટમાં સાઇન ઇન કરે, ત્યારે તેમનું નિરીક્ષણ કરી શકાય છે. માતાપિતા તેમના બાળકની Chromebookના અને એકાઉન્ટના સેટિંગ મેનેજ કરવા અને વેબસાઇટ માટેના પ્રતિબંધો સેટ કરવા જેવા કાર્યો કરી શકે છે. અહીં વધુ જાણો.

જે બાળકો અથવા કિશોરોએ iOS, વેબ બ્રાઉઝર અથવા નિરીક્ષણ હેઠળ ન હોય તેવા અન્ય ડિવાઇસમાં સાઇન ઇન કર્યું હોય, તેમનું માત્ર આંશિક રીતે નિરીક્ષણ કરી શકાય છે. બાળકો અને કિશોરો તેમના માતાપિતાની સંમતિથી iOS ડિવાઇસ અને વેબ બ્રાઉઝર પર તેમના Google એકાઉન્ટમાં સાઇન ઇન કરી શકે છે. માતાપિતા YouTube અને Google Search પર તેમના બાળકના એકાઉન્ટના અમુક સેટિંગને મેનેજ કરવાનું ચાલુ રાખી શકે છે અને જ્યારે બાળક iOS ડિવાઇસ પર અથવા વેબ પર Googleની ઍપ અને સેવાઓમાં સાઇન કરીને તેનો ઉપયોગ કરતું હોય, ત્યારે તે સેટિંગ લાગુ થશે. બાળકના iOS ડિવાઇસ અથવા વેબ પરની તેમની પ્રવૃત્તિઓ પર, Family Link ઍપમાંની અન્ય સુવિધાઓ, જેમ કે તમારા બાળકો ઉપયોગમાં લઈ શકે તેવી ઍપ મેનેજ કરવી, Chrome પર તેઓ જે જુએ છે તેને ફિલ્ટર કરવું અને સ્ક્રીન સમયની મર્યાદાઓ સેટ કરવી, લાગુ થશે નહીં. iOS ડિવાઇસ અને વેબ બ્રાઉઝર પર બાળક/કિશોરની સાઇન ઇન કરવાની પ્રક્રિયા વિશે વધુ જાણો.

તમારે તમારા બાળકના Google એકાઉન્ટ અને Android ડિવાઇસનું સેટઅપ કરવા માટે આશરે 15 મિનિટ ફાળવવાનું આયોજન કરવું જોઈએ.

ના. તમારું બાળક તેના પહેલા Android અથવા ChromeOS ડિવાઇસનો ઉપયોગ કરવા માટે ક્યારે તૈયાર થાય છે, તેનો નિર્ણય તમારે લેવાનો હોય છે.

Googleની સેવાઓ જાહેરાત સમર્થિત છે અને અમારી પ્રોડક્ટનો ઉપયોગ કરતી વખતે તમારા બાળકને જાહેરાતો દેખાઈ શકે છે. જો કે, બાળકને મનગમતી બનાવેલી દેખાશે નહીં અને તે ઍપમાં ક્યારે જાહેરાતો જુએ છે, તે જાણવા માટે તમને ટૂલ પ્રદાન કરવામાં આવશે.

હા, કિશોરોનું (13 વર્ષથી વધુ ઉંમરના અથવા તમારા દેશમાં સંમતિ આપવાની જે ઉંમર લાગુ થતી હોય, તેનાથી વધુ ઉંમરના બાળકોનું) નિરીક્ષણ કરવા માટે Family Linkનો ઉપયોગ કરી શકાય છે. સંમતિ આપવાની ઉંમરથી ઓછી ઉંમરના બાળકોથી વિપરીત, કિશોરો કોઈપણ સમયે નિરીક્ષણ બંધ કરવાની ક્ષમતા ધરાવે છે. જો તેઓ નિરીક્ષણ બંધ કરે, તો તમને સૂચિત કરવામાં આવશે અને તેમનું Android ડિવાઇસ 24 કલાક માટે હંગામી રીતે લૉક કરવામાં આવશે, સિવાય કે તમે તેને અનલૉક કરો. માતાપિતા તરીકે, તમે કોઈપણ સમયે કિશોરોના ડિવાઇસની ઉપયોગિતાને અસર કર્યા વિના, તેમના માટે નિરીક્ષણ કાઢી નાખવાનું પણ પસંદ કરી શકો છો.

ના. ઑફિસ અથવા સ્કૂલ દ્વારા પ્રદાન કરવામાં આવેલા એકાઉન્ટનો ઉપયોગ ફૅમિલી ગ્રૂપને મેનેજ કરવા અથવા Family Link મારફતે થતા નિરીક્ષણને મેનેજ કરવા માટે થઈ શકતો નથી. તમે Family Link ધરાવતા તમારા Gmail એકાઉન્ટ જેવા વ્યક્તિગત Google એકાઉન્ટનો ઉપયોગ કરી શકો છો.

સામાન્ય રીતે નહીં. બાળકોને નિરીક્ષણ હેઠળના તેમના વ્યક્તિગત Google એકાઉન્ટ ઉપરાંત માત્ર Google Workspace for Education એકાઉન્ટ ઉમેરવાની મંજૂરી આપવામાં આવી છે. આ પ્રતિબંધ પ્રોડક્ટ સંબંધિત મહત્ત્વપૂર્ણ વર્તણૂકોને જાળવવામાં અમારી સહાય કરે છે. ઉદાહરણ તરીકે, જો ડિવાઇસ પર બીજું એકાઉન્ટ ઉપલબ્ધ હોય, તો બાળકો માતાપિતાની મંજૂરી વિના Playમાંથી ઍપ ડાઉનલોડ કરવા માટે તે એકાઉન્ટ પર સ્વિચ કરી શકે છે.

જ્યારે તમારું બાળક 13 વર્ષની ઉંમરે (અથવા તમારા દેશમાં લાગુ થતી ઉંમરે), પહોંચે, ત્યારે તેને નિરીક્ષણ હેઠળ ન હોય તેવા Google એકાઉન્ટનો ઉપયોગ શરૂ કરવાનો વિકલ્પ મળે છે. બાળક 13 વર્ષની ઉંમરે પહોંચે એ પહેલાં, માતાપિતાને તે જણાવતો ઇમેઇલ મળશે કે તેમનું બાળક તેમના જન્મદિવસના રોજ પોતાના એકાઉન્ટનું નિયંત્રણ લેવા માટે પાત્ર થશે, જેથી હવે તમે તેમનું એકાઉન્ટ મેનેજ કરી શકશો નહીં. 13 વર્ષની ઉંમરે પહોંચે તે દિવસે, બાળકો પસંદ કરી શકે છે કે તેઓ જાતે પોતાનું Google એકાઉન્ટ મેનેજ કરવા માગે છે કે પછી તેમના માટે તેમના માતાપિતા દ્વારા તેને મેનેજ કરાવવાનું ચાલુ રાખવા માગે છે. માતાપિતા તરીકે, જ્યારે બાળક 13 વર્ષથી વધુ ઉંમરે પહોંચે, ત્યારે તમે કોઈપણ સમયે નિરીક્ષણ કાઢી નાખવાનું પણ પસંદ કરી શકો છો.