మీరు ఫ్యామిలీ గ్రూప్ క్రియేట్ చేసినప్పుడు, మీరు ఫ్యామిలీ మేనేజర్ అవుతారు. దీనర్థం చేరడానికి మీరు 5 మంది వరకు ఇతర వ్యక్తులను ఆహ్వానించవచ్చు, వారు మీ ఆహ్వానాన్ని ఆమోదిస్తే, వారు మీ ఫ్యామిలీ గ్రూప్‌నకు జోడించబడతారు. ఫ్యామిలీ మేనేజర్‌లు ఏ సమయంలోనైనా గ్రూప్‌ను తొలగించవచ్చు, మెంబర్‌లను ఆహ్వానించవచ్చు లేదా తీసివేయవచ్చు. ఇప్పుడు మీ ఫ్యామిలీ గ్రూప్‌ను క్రియేట్ చేసుకోవడం ద్వారా ప్రారంభించండి.

ఫ్యామిలీ గ్రూప్‌ను క్రియేట్ చేయడానికి లేదా అందులో చేరడానికి పెయిడ్ మెంబర్‌షిప్ లేదా సబ్‌స్క్రిప్షన్ అవసరం లేదు. మీరు ఇప్పటికే ఉపయోగించే Google ప్రోడక్ట్‌ల నుండి మీరు, మీ ఫ్యామిలీ గ్రూప్ మెంబర్‌లు ఎక్కువ ప్రయోజనాలను పొందడానికి ఫ్యామిలీ గ్రూప్ వీలు కల్పిస్తుంది. కొన్ని Google ప్రోడక్ట్‌లకు సంబంధించి ప్రీమియర్ సర్వీస్‌ల కోసం ఫ్యామిలీ ప్లాన్ సబ్‌స్క్రిప్షన్‌లను కొనుగోలు చేయడం అవసరమవుతుంది.

మీరు ఫ్యామిలీ గ్రూప్‌ను క్రియేట్ చేసిన తర్వాత, షేర్ చేయడానికి ఫ్యామిలీ మేనేజర్ ఎంచుకోగలిగేలా మీకు Google యాప్‌లు, సర్వీస్‌ల లిస్ట్ కనిపిస్తుంది.

పర్యవేక్షించబడే ఖాతాలకు సంబంధించి ఫ్యామిలీ మేనేజర్‌లు తమ తల్లిదండ్రుల కంట్రోల్స్‌ను ఫ్యామిలీ గ్రూప్‌లో మేనేజ్ చేయవచ్చు. పర్యవేక్షించబడే ఖాతాను మేనేజ్ చేయడానికి సహాయం కోసం ఫ్యామిలీ మేనేజర్ మరొక తల్లి/తండ్రికి తల్లిదండ్రుల అనుమతులను ఇవ్వవచ్చు.

ఫ్యామిలీ గ్రూప్‌ను క్రియేట్ చేయడానికి మీరు 18 ఏళ్లు లేదా అంతకంటే ఎక్కువ వయస్సు కలిగి ఉండాలి (లేదా మీ దేశంలో సమ్మతి ఇవ్వగలిగే వయస్సు వర్తిస్తుంది). మీ ఫ్యామిలీ గ్రూప్‌లో చేరడానికి, మీరు ఆహ్వానించే వ్యక్తులు Google ఖాతాను తప్పక కలిగి ఉండాలి. వ్యక్తులు ఒక సారి ఒక ఫ్యామిలీ గ్రూప్‌లో మాత్రమే చేరవచ్చు, అలాగే ప్రతి 12 నెలలకు ఒకసారి మాత్రమే మరొక ఫ్యామిలీ గ్రూప్‌కు మారవచ్చు.

ఫ్యామిలీ గ్రూప్, Family Link కలిసి పని చేసే రెండు వేర్వేరు సర్వీస్‌లు. ఫ్యామిలీ గ్రూప్ ద్వారా YouTube, ఫ్యామిలీ లైబ్రరీ, Google Assistant వంటి మీకు ఇష్టమైన మరెన్నో యాప్‌లు, సర్వీస్‌లను మీరు షేర్ చేయగలుగుతారు.

మీ ఫ్యామిలీ గ్రూప్‌లో మీరు పిల్లల ఖాతాను క్రియేట్ చేసినప్పుడు, Family Link పాత్ర వచ్చి చేరుతుంది. కంటెంట్‌పై పరిమితులు విధించడం, యాప్ డౌన్‌లోడ్‌లు, కొనుగోళ్లను ఆమోదించడం, పరికర వినియోగ వ్యవధిని సెట్ చేయడం వంటి మరెన్నో డిజిటల్ ప్రాథమిక నియమాలను సెట్ చేయడానికి Family Link మీకు వీలు కల్పిస్తుంది. Family Link గురించి మరింత తెలుసుకోండి.

ఫ్యామిలీ గ్రూప్ ఎలా పని చేస్తుంది, మీరు, మీ ఫ్యామిలీ ఏం షేర్ చేయవచ్చు, అలాగే ఇతర వివరాల గురించి మరింత సమాచారం కోసం Google For Families సహాయ కేంద్రానికి వెళ్లండి.