ចង់ដឹងអំពីឯកជនភាពរបស់អ្នកនៅលើ Google ឬ?
អ្នកបានមកដល់ត្រូវកន្លែងហើយ! អានសំណួរដែលកុមារនិយមសួរបំផុត ដូចជារបៀបដែលមាតាបិតារបស់អ្នកអាចជួយជាមួយអ្វីៗទាក់ទងនឹង Google របស់អ្នក ព័ត៌មានដែល Google ប្រើ និងអ្វីៗជាច្រើនទៀត។
មាតាបិតា ព័ត៌មាននេះអនុវត្តចំពោះតែគណនី Google ដែលស្ថិតក្រោមការគ្រប់គ្រងដោយប្រើ Family Link សម្រាប់កូនដែលមានអាយុក្រោម 13 ឆ្នាំ (ឬអាយុដែលបានកំណត់នៅក្នុងប្រទេសរបស់អ្នក)។ សម្រាប់ព័ត៌មានលម្អិតបន្ថែម សូមពិនិត្យមើលការជូនដំណឹងអំពីឯកជនភាព និងគោលការណ៍ឯកជនភាពរបស់យើង។
តើអ្នកណាទទួលបន្ទុកលើគណនីរបស់ខ្ញុំ?
មាតាបិតារបស់អ្នកទទួលបន្ទុកលើគណនី Google របស់អ្នក។ គាត់អាចប្រើប្រាស់កម្មវិធី ដែលមានឈ្មោះថា Family Link ដើម្បីជួយគ្រប់គ្រងគណនី។ អ្នកអាចទទួលបន្ទុកលើគណនីរបស់អ្នក នៅពេលអ្នកមានអាយុច្រើនជាងនេះ។
មាតាបិតារបស់អ្នកអាចធ្វើអ្វីៗដូចជា៖
- ចូលគណនីរបស់អ្នក ប្ដូរពាក្យសម្ងាត់គណនីរបស់អ្នក ឬលុបគណនីរបស់អ្នក។
- ចាក់សោទូរសព្ទ ឬថេប្លេតរបស់អ្នក។
- មើលទីតាំងទូរសព្ទ ឬថេប្លេតរបស់អ្នក។
- ជ្រើសរើសកម្មវិធីដែលអ្នកអាចប្រើប្រាស់បាន។
- មើលរយៈពេលដែលអ្នកប្រើកម្មវិធីរបស់អ្នក។
- ប្ដូរអ្វីៗដែលអ្នកមើលឃើញនៅក្នុងកម្មវិធី Google មួយចំនួន ដូចជាការស្វែងរកនៅលើ Google, YouTube ឬ Google Play។
- ជ្រើសរើសការត្រួតពិនិត្យសកម្មភាពរបស់អ្នក។ (ទាំងនេះជាការកំណត់ដែលរក្សាទុកព័ត៌មានអំពីអ្វីដែលអ្នកធ្វើជាមួយ Google)។
- ជ្រើសរើសការកំណត់ និងការអនុញ្ញាតសម្រាប់កម្មវិធីរបស់អ្នក។
- ជ្រើសរើសឈ្មោះ ថ្ងៃកំណើត និងព័ត៌មានផ្សេងទៀតសម្រាប់គណនីរបស់អ្នក។
- ជ្រើសរើសអ្វីដែលអ្នកអាចទាញយក ឬទិញនៅក្នុងផលិតផលរបស់ Google មួយចំនួន ដូចជា Google Play។
ហេតុអ្វីបានជា Google ប្រើប្រាស់ព័ត៌មានរបស់ខ្ញុំ និងប្រើដោយរបៀបណា?
យើងអាចរក្សាទុកព័ត៌មានដែលអ្នក ឬមាតាបិតារបស់អ្នកផ្ដល់ឱ្យយើង ដូចជាឈ្មោះ និងថ្ងៃកំណើតរបស់អ្នក។ យើងក៏រក្សាទុកព័ត៌មាន នៅពេលអ្នកប្រើកម្មវិធី និងគេហទំព័ររបស់យើងផងដែរ។ យើងខិតខំរក្សាព័ត៌មាននេះឱ្យមានសុវត្ថិភាព ហើយយើងប្រើប្រាស់វាសម្រាប់មូលហេតុផ្សេងៗ ដូចជាធ្វើឱ្យកម្មវិធី និងគេហទំព័រ Google កាន់តែមានប្រយោជន៍។
ជាមួយមាតាបិតារបស់អ្នក ស្វែងយល់បន្ថែមអំពីវិធីមួយចំនួនដែលយើងអាចនឹងប្រើព័ត៌មានរបស់អ្នក៖
- ធ្វើឱ្យកម្មវិធី និងគេហទំព័ររបស់យើងដំណើរការ៖ ឧទាហណ៍ ប្រសិនបើអ្នកស្វែងរក "កូនឆ្កែ" នៅលើកម្មវិធីស្វែងរកនៅលើ Google យើងប្រើប្រាស់ព័ត៌មានរបស់អ្នកដើម្បីបង្ហាញអ្វីៗទាក់ទងនឹងកូនឆ្កែដល់អ្នក។
- ធ្វើឱ្យកម្មវិធី និងគេហទំព័ររបស់យើងប្រសើរជាងមុន៖ ឧទាហរណ៍ ប្រសិនបើមានអ្វីមួយខូច យើងអាចប្រើប្រាស់ព័ត៌មានដើម្បីដោះស្រាយវា។
- ការពារ Google, អ្នកប្រើប្រាស់របស់យើង និងសាធារណជន៖ យើងប្រើប្រាស់ព័ត៌មានដើម្បីរក្សាឱ្យអ្នកប្រើប្រាស់មានសុវត្ថិភាពជាងមុននៅលើអ៊ីនធឺណិត។
- បង្កើតកម្មវិធី និងគេហទំព័រថ្មី៖ យើងស្វែងយល់អំពីរបៀបដែលមនុស្សប្រើប្រាស់កម្មវិធី និងគេហទំព័របច្ចុប្បន្នរបស់យើង ដើម្បីទទួលបានគំនិតសម្រាប់អ្វីៗនៅលើ Google ថ្មី ដែលយើងអាចបង្កើតបាន។
- បង្ហាញអ្វីៗដែលអ្នកអាចនឹងចូលចិត្ត៖ ឧទាហរណ៍ ប្រសិនបើអ្នកចូលចិត្តមើលវីដេអូសត្វនៅលើ YouTube Kids យើងអាចបង្ហាញអ្នកច្រើនទៀត។
- បង្ហាញការផ្សាយពាណិជ្ជកម្មដល់អ្នក ដោយផ្អែកតាមអ្វីៗដូចជាគេហទំព័រដែលអ្នកចូលប្រើ។
- ទំនាក់ទំនងជាមួយអ្នក៖ ឧទាហរណ៍ យើងអាចនឹងប្រើប្រាស់អាសយដ្ឋានអ៊ីមែលរបស់អ្នក ដើម្បីផ្ញើសារជូនអ្នក។ ស្នើសុំមាតាបិតាជានិច្ច មុនពេលបើកសារពីអ្នកណាម្នាក់ដែលអ្នកមិនស្គាល់។
តើខ្ញុំអាចប្រាប់ Google អំពីអ្វីត្រូវរក្សាទុកបានឬទេ?
បាទ/ចាស អ្នកអាចផ្លាស់ប្ដូរអ្វីៗមួយចំនួនដែលយើងរក្សាទុកទាក់ទងនឹងអ្នក។ ប្រសិនបើអ្នកធ្វើការផ្លាស់ប្ដូរការកំណត់ឯកជនភាពមួយចំនួនរបស់អ្នក ដូចជាការត្រួតពិនិត្យសកម្មភាព យើងនឹងប្រាប់មាតាបិតារបស់អ្នកឱ្យដឹង។ គាត់អាចជួយអ្នកផ្លាស់ប្ដូរការកំណត់របស់អ្នកផងដែរ។
អ្នក និងមាតាបិតារបស់អ្នកនៅតែអាចមើលឃើញ និងគ្រប់គ្រងព័ត៌មានមួយចំនួនអំពីអ្នក និងគណនី Google របស់អ្នកបានជានិច្ច។
តើ Google ធ្លាប់ចែករំលែកព័ត៌មានផ្ទាល់ខ្លួនរបស់ខ្ញុំជាមួយអ្នកដទៃដែរឬទេ?
មានមូលហេតុមួយចំនួនដែលយើងអាចនឹងចែករំលែកព័ត៌មានផ្ទាល់ខ្លួនរបស់អ្នក ដូចជាឈ្មោះរបស់អ្នក ខាងក្រៅ Google។ ប្រសិនបើយើងចែករំលែកព័ត៌មាននេះ យើងចាត់វិធានការ ដើម្បីប្រាកដថា វាត្រូវបានការពារ។
យើងអាចនឹងចែករំលែកព័ត៌មានផ្ទាល់ខ្លួនមួយចំនួន៖
- ជាមួយមាតាបិតា និងក្រុមគ្រួសាររបស់អ្នកនៅលើ Google
- ជាមួយក្រុមហ៊ុនដែលយើងធ្វើការជាមួយ
- នៅពេលមាតាបិតារបស់អ្នកប្រាប់យើងថា វាមិនអីទេ
- នៅពេលយើងត្រូវតែធ្វើ ដោយសារមូលហេតុផ្លូវច្បាប់
តើនរណាផ្សេងទៀតអាចមើលឃើញអ្វីដែលខ្ញុំចែករំលែកនៅលើអ៊ីនធឺណិតដែរ?
អ្វីៗដែលអ្នកចែករំលែកនៅលើអ៊ីនធឺណិត ដូចជាអ៊ីមែល ឬរូបថត មានមនុស្សជាច្រើនអាចមើលឃើញ។ ចែករំលែកតែជាមួយមនុស្សដែលអ្នកជឿទុកចិត្តប៉ុណ្ណោះ។ ប្រសិនបើអ្នកមិនប្រាកដ សូមសួរមាតាបិតា ឬសមាជិកគ្រួសារណាម្នាក់។
ចង់ស្វែងយល់បន្ថែមដែរឬទេ? ស្នើសុំមាតាបិតារបស់អ្នកឱ្យជួយអ្នកអានគោលការណ៍ឯកជនភាពរបស់យើង។
ចង់ដឹងអំពីឯកជនភាពរបស់អ្នកនៅលើ Google ឬ?
អ្នកបានមកដល់ត្រូវកន្លែងហើយ! នេះជាកន្លែងដែលអ្នកអាចស្វែងយល់អំពីរបៀបដែល Google ប្រមូល និងប្រើប្រាស់ព័ត៌មាន នៅពេលអ្នកប្រើប្រាស់កម្មវិធី និងគេហទំព័ររបស់យើង។ អ្នកក៏នឹងស្វែងយល់អំពីរបៀបដែលមាតាបិតារបស់អ្នកអាចជួយអ្នកគ្រប់គ្រងគណនី Google និងឧបករណ៍របស់អ្នកបានផងដែរ។
មាតាបិតា ព័ត៌មាននេះអនុវត្តចំពោះតែគណនី Google ដែលស្ថិតក្រោមការគ្រប់គ្រងដោយប្រើ Family Link សម្រាប់កូនដែលមានអាយុក្រោម 13 ឆ្នាំ (ឬអាយុដែលបានកំណត់នៅក្នុងប្រទេសរបស់អ្នក)។ សម្រាប់ព័ត៌មានលម្អិតបន្ថែម សូមពិនិត្យមើលការជូនដំណឹងអំពីឯកជនភាព និងគោលការណ៍ឯកជនភាពរបស់យើង។
តើអ្នកណាទទួលបន្ទុកលើគណនីរបស់ខ្ញុំ?
ឥឡូវនេះ មាតាបិតារបស់អ្នកទទួលបន្ទុកលើគណនី Google របស់អ្នក។ គាត់អាចប្រើប្រាស់កម្មវិធី ដែលមានឈ្មោះថា Family Link ដើម្បីជួយគ្រប់គ្រងគណនីរបស់អ្នករហូតដល់អ្នកគ្រប់អាយុអាចគ្រប់គ្រងគណនីដោយខ្លួនឯងបាន។
មាតាបិតារបស់អ្នកអាចធ្វើអ្វីៗដូចជា៖
- ចូលគណនីរបស់អ្នក ប្ដូរពាក្យសម្ងាត់គណនីរបស់អ្នក ឬលុបគណនីរបស់អ្នក។
- កំណត់ការរឹតត្បឹតលើពេលវេលា និងរយៈពេលដែលអ្នកអាចប្រើប្រាស់ឧបករណ៍របស់អ្នក ដូចជាទូរសព្ទ ឬថេប្លេត
- មើលទីតាំងទូរសព្ទ ឬថេប្លេតរបស់អ្នក។
- ជ្រើសរើសកម្មវិធីដែលអ្នកអាចប្រើប្រាស់បាន។
- មើលរយៈពេលដែលអ្នកប្រើកម្មវិធីរបស់អ្នក។
- គ្រប់គ្រងការកំណត់ខ្លឹមសារសម្រាប់កម្មវិធី និងគេហទំព័ររបស់ Google មួយចំនួន ដូចជាការស្វែងរកនៅលើ Google, YouTube ឬ Google Play។ ការកំណត់ទាំងនេះអាចផ្លាស់ប្ដូរអ្វីដែលអ្នកឃើញ។
- គ្រប់គ្រងការត្រួតពិនិត្យសកម្មភាពសម្រាប់គណនីរបស់អ្នក ដូចជាប្រវត្តិនៅលើ YouTube រួមទាំងទប់ស្កាត់អ្នកមិនឱ្យគ្រប់គ្រងការត្រួតពិនិត្យទាំងនេះដោយខ្លួនឯង។
- ពិនិត្យមើលការអនុញ្ញាតសម្រាប់កម្មវិធីនៅលើទូរសព្ទ ឬថេប្លេតរបស់អ្នក ដូចជា ប្រសិនបើកម្មវិធីអាចប្រើប្រាស់មីក្រូហ្វូន កាមេរ៉ា ឬទំនាក់ទំនងរបស់អ្នកបាន។
- មើល ផ្លាស់ប្ដូរ ឬលុបព័ត៌មានអំពីគណនីរបស់អ្នក ដូចជាឈ្មោះ ភេទ ឬថ្ងៃកំណើតរបស់អ្នក។
- អនុញ្ញាតការទាញយក និងការទិញរបស់អ្នកនៅក្នុងកម្មវិធី និងគេហទំព័រ Google មួយចំនួន ដូចជា Google Play។
ហេតុអ្វីបានជា Google ប្រើប្រាស់ព័ត៌មានរបស់ខ្ញុំ និងប្រើដោយរបៀបណា?
ដូចគេហទំព័រ និងកម្មវិធីភាគច្រើនដែរ យើងប្រមូលព័ត៌មានដែលអ្នក ឬមាតាបិតាផ្ដល់ឱ្យយើង ដូចជាឈ្មោះ និងថ្ងៃកំណើតរបស់អ្នក ហើយយើងប្រមូលព័ត៌មាន នៅពេលអ្នកប្រើប្រាស់កម្មវិធី និងគេហទំព័ររបស់យើង។ យើងខិតខំរក្សាព័ត៌មាននេះឱ្យមានសុវត្ថិភាព ហើយយើងប្រើប្រាស់វាសម្រាប់អ្វីៗដូចជា កែលម្អផលិតផលរបស់យើងឱ្យកាន់តែមានប្រយោជន៍សម្រាប់អ្នក។ ឧទាហរណ៍ យើងប្រមូលទិន្នន័យ ដើម្បី៖
- ធ្វើឱ្យកម្មវិធី និងគេហទំព័ររបស់យើងដំណើរការ៖ ឧទាហណ៍ ប្រសិនបើអ្នកស្វែងរក "កីឡា" នៅលើកម្មវិធីស្វែងរកនៅលើ Google យើងប្រើប្រាស់ព័ត៌មានរបស់អ្នកដើម្បីបង្ហាញអ្វីៗទាក់ទងនឹងកីឡាដល់អ្នក។
- ធ្វើឱ្យកម្មវិធី និងគេហទំព័ររបស់យើងប្រសើរជាងមុន៖ ឧទាហរណ៍ ប្រសិនបើមានអ្វីមួយខូច យើងអាចប្រើប្រាស់ព័ត៌មានដើម្បីដោះស្រាយវា។
- ការពារ Google, អ្នកប្រើប្រាស់របស់យើង និងសាធារណជន៖ យើងប្រើប្រាស់ព័ត៌មាន ដើម្បីរក្សាឱ្យអ្នកប្រើប្រាស់មានសុវត្ថិភាពជាងមុននៅលើអ៊ីនធឺណិត ដូចជារកឃើញ និងទប់ស្កាត់ការក្លែងបន្លំ។
- បង្កើតកម្មវិធី និងគេហទំព័រថ្មី៖ យើងស្វែងយល់អំពីរបៀបដែលមនុស្សប្រើប្រាស់កម្មវិធី និងគេហទំព័ររបស់យើង ដើម្បីទទួលបានគំនិតសម្រាប់ផលិតផល Google ថ្មី ដែលយើងបង្កើត។
- ធ្វើឱ្យព័ត៌មានស្របនឹងអ្នក ដែលមានន័យថាបង្ហាញអ្វីៗដែលយើងគិតថាអ្នកចូលចិត្ត។ ឧទាហរណ៍ ប្រសិនបើអ្នកចូលចិត្តមើលវីដេអូសត្វនៅលើ YouTube Kids យើងអាចណែនាំឱ្យមើលច្រើនទៀត។
- បង្ហាញការផ្សាយពាណិជ្ជកម្មដល់អ្នក ដោយផ្អែកតាមអ្វីៗដូចជាគេហទំព័រដែលអ្នកចូលប្រើ។
- ទំនាក់ទំនងជាមួយអ្នក៖ ឧទាហរណ៍ យើងអាចនឹងប្រើប្រាស់អាសយដ្ឋានអ៊ីមែលរបស់អ្នក ដើម្បីផ្ញើសារទៅអ្នកដូចជា ប្រសិនបើមានបញ្ហាសុវត្ថិភាព។ ស្នើសុំមាតាបិតាជានិច្ច មុនពេលបើកសារពីអ្នកណាម្នាក់ដែលអ្នកមិនស្គាល់។
តើខ្ញុំអាចប្រាប់ Google អំពីអ្វីត្រូវរក្សាទុកបានឬទេ?
បាទ/ចាស អ្នកអាចផ្លាស់ប្ដូរអ្វីៗមួយចំនួនដែលយើងរក្សាទុកទាក់ទងនឹងអ្នក។ ឧទាហរណ៍ ប្រសិនបើអ្នកមិនចង់ឱ្យយើងរក្សាទុកប្រវត្តិនៅលើ YouTube របស់អ្នកទៅគណនី Google របស់អ្នកទេ អ្នកអាចបិទប្រវត្តិនៅលើ YouTube បាន។ ប្រសិនបើអ្នកធ្វើការផ្លាស់ប្ដូរការកំណត់ឯកជនភាពមួយចំនួនរបស់អ្នក ដូចជាការត្រួតពិនិត្យសកម្មភាព យើងនឹងប្រាប់មាតាបិតារបស់អ្នកឱ្យដឹង។ គាត់អាចជួយអ្នកផ្លាស់ប្ដូរការកំណត់របស់អ្នកផងដែរ។
អ្នក និងមាតាបិតារបស់អ្នកនៅតែអាចមើលឃើញ និងគ្រប់គ្រងព័ត៌មានមួយចំនួនអំពីអ្នក និងគណនី Google របស់អ្នកបានជានិច្ច។
តើ Google ធ្លាប់ចែករំលែកព័ត៌មានផ្ទាល់ខ្លួនរបស់ខ្ញុំជាមួយអ្នកដទៃដែរឬទេ?
មានមូលហេតុមួយចំនួនដែលយើងអាចនឹងចែករំលែកព័ត៌មានផ្ទាល់ខ្លួនរបស់អ្នក ដូចជាឈ្មោះ និងអាសយដ្ឋានអ៊ីមែលរបស់អ្នក ខាងក្រៅ Google។ ប្រសិនបើយើងចែករំលែកព័ត៌មាននេះ យើងចាត់វិធានការ ដើម្បីប្រាកដថា វាត្រូវបានការពារ។
យើងអាចនឹងចែករំលែកព័ត៌មានផ្ទាល់ខ្លួនមួយចំនួន៖
- ជាមួយមាតាបិតា និងក្រុមគ្រួសាររបស់អ្នកនៅលើ Google
- ជាមួយក្រុមហ៊ុនដែលយើងធ្វើការជាមួយ
- នៅពេលមាតាបិតារបស់អ្នកប្រាប់យើងថា វាមិនអីទេ
- នៅពេលយើងត្រូវតែធ្វើ ដោយសារមូលហេតុផ្លូវច្បាប់
តើនរណាផ្សេងទៀតអាចមើលឃើញអ្វីដែលខ្ញុំចែករំលែកនៅលើអ៊ីនធឺណិតដែរ?
អ្វីៗដែលអ្នកចែករំលែកនៅលើអ៊ីនធឺណិត ដូចជាអ៊ីមែល ឬរូបថត មានមនុស្សជាច្រើនអាចមើលឃើញ។ នៅពេលចែករំលែកអ្វីមួយនៅលើអ៊ីនធឺណិត អាចមានការលំបាកក្នុងការយកចេញវិញ។ ចែករំលែកតែជាមួយមនុស្សដែលអ្នកជឿទុកចិត្តប៉ុណ្ណោះ។ ប្រសិនបើអ្នកមិនប្រាកដ សូមសួរមាតាបិតា ឬសមាជិកគ្រួសារណាម្នាក់។
ចង់ស្វែងយល់បន្ថែមដែរឬទេ? ស្នើសុំមាតាបិតារបស់អ្នកឱ្យជួយអ្នកអានគោលការណ៍ឯកជនភាពរបស់យើង។
ចង់ដឹងអំពីឯកជនភាពរបស់អ្នកនៅលើ Google ឬ?
នេះជាកន្លែងដែលអ្នកអាចស្វែងយល់អំពីរបៀបដែល Google ប្រមូល និងប្រើប្រាស់ព័ត៌មាន នៅពេលអ្នកប្រើកម្មវិធី និងគេហទំព័ររបស់យើង។ អ្នកក៏នឹងស្វែងយល់អំពីរបៀបដែលមាតាបិតារបស់អ្នកអាចជួយអ្នកគ្រប់គ្រងគណនី Google និងឧបករណ៍របស់អ្នកបានផងដែរ។
ព័ត៌មាននេះអនុវត្តចំពោះតែគណនី Google ដែលស្ថិតក្រោមការគ្រប់គ្រងដោយប្រើ Family Link សម្រាប់កូន និងមនុស្សវ័យជំទង់ដែលមានលក្ខខណ្ឌអាយុទាបបំផុត ដើម្បីអាចគ្រប់គ្រងគណនីដោយខ្លួនឯងប៉ុណ្ណោះ។ សម្រាប់ព័ត៌មានបន្ថែម សូមពិនិត្យមើលការជូនដំណឹងអំពីឯកជនភាព និងគោលការណ៍ឯកជនភាពរបស់យើង។
តើមាតាបិតារបស់ខ្ញុំអាចជួយគ្រប់គ្រងគណនីរបស់ខ្ញុំបានដែរឬទេ?
មាតាបិតារបស់អ្នកអាចប្រើប្រាស់កម្មវិធី ដែលមានឈ្មោះថា Family Link ដើម្បីជួយគ្រប់គ្រងលក្ខណៈគណនី Google របស់អ្នក។ អាស្រ័យលើឧបករណ៍របស់អ្នក គាត់អាចធ្វើអ្វីៗដូចជា៖
- ចូលគណនីរបស់អ្នក ប្ដូរពាក្យសម្ងាត់គណនីរបស់អ្នក ឬលុបគណនីរបស់អ្នក។
- កំណត់រយៈពេលនិងពេលវេលាដែលអ្នកអាចប្រើប្រាស់ឧបករណ៍របស់អ្នក។
- មើលទីតាំងឧបករណ៍ដែលបានចូលគណនី និងសកម្មរបស់អ្នក។
- គ្រប់គ្រងកម្មវិធីរបស់អ្នក និងមើលរយៈពេលដែលអ្នកប្រើប្រាស់វា។
- គ្រប់គ្រងការកំណត់ខ្លឹមសារសម្រាប់កម្មវិធី និងគេហទំព័ររបស់ Google មួយចំនួន ដូចជាការស្វែងរកនៅលើ Google, YouTube ឬ Google Play។ ការកំណត់ទាំងនេះអាចផ្លាស់ប្ដូរអ្វីដែលអ្នកឃើញ។
- គ្រប់គ្រងការត្រួតពិនិត្យសកម្មភាពសម្រាប់គណនីរបស់អ្នក ដូចជាប្រវត្តិនៅលើ YouTube រួមទាំងទប់ស្កាត់អ្នកមិនឱ្យគ្រប់គ្រងការត្រួតពិនិត្យទាំងនេះដោយខ្លួនឯង។
- ពិនិត្យមើលការអនុញ្ញាតសម្រាប់កម្មវិធីនៅលើឧបករណ៍របស់អ្នក ដូចជា ប្រសិនបើកម្មវិធីអាចប្រើប្រាស់មីក្រូហ្វូន កាមេរ៉ា ឬទំនាក់ទំនងរបស់អ្នកបាន។
- មើល ផ្លាស់ប្ដូរ ឬលុបព័ត៌មានអំពីគណនីរបស់អ្នក ដូចជាឈ្មោះ ភេទ ឬថ្ងៃកំណើតរបស់អ្នក។
- អនុញ្ញាតការទាញយក និងការទិញរបស់អ្នកនៅក្នុងកម្មវិធី និងគេហទំព័រ Google មួយចំនួន ដូចជា Google Play។
ហេតុអ្វីបានជា Google ប្រមូល និងប្រើប្រាស់ព័ត៌មានរបស់ខ្ញុំ និងដោយរបៀបណា?
ដូចគេហទំព័រ និងកម្មវិធីភាគច្រើនដែរ យើងប្រមូលព័ត៌មានដែលអ្នក ឬមាតាបិតាផ្ដល់ឱ្យយើង ដូចជាឈ្មោះ និងថ្ងៃកំណើតរបស់អ្នក ហើយយើងប្រមូលព័ត៌មាន នៅពេលអ្នកប្រើប្រាស់កម្មវិធី និងគេហទំព័ររបស់យើង។ យើងខិតខំរក្សាព័ត៌មាននេះឱ្យមានសុវត្ថិភាព ហើយយើងប្រើប្រាស់វាសម្រាប់អ្វីៗដូចជា កែលម្អផលិតផលរបស់យើងឱ្យកាន់តែមានប្រយោជន៍សម្រាប់អ្នក។ ឧទាហរណ៍ យើងប្រមូលទិន្នន័យ ដើម្បី៖
- ការពារ Google, អ្នកប្រើប្រាស់របស់យើង និងសាធារណជន៖ យើងប្រើប្រាស់ទិន្នន័យ ដើម្បីរក្សាឱ្យអ្នកប្រើប្រាស់មានសុវត្ថិភាពជាងមុននៅលើអ៊ីនធឺណិត ដូចជារកឃើញ និងទប់ស្កាត់ការក្លែងបន្លំ។
- ផ្ដល់សេវាកម្មរបស់យើង៖ យើងប្រើប្រាស់ទិន្នន័យ ដើម្បីផ្ដល់សេវាកម្មរបស់យើង ដូចជាដំណើរការលក្ខខណ្ឌដែលអ្នកស្វែងរក ដើម្បីបង្ហាញលទ្ធផល។
- ថែទាំ និងកែលម្អសេវាកម្មរបស់យើង៖ឧទាហរណ៍ យើងអាចតាមដាននៅពេលផលិតផលរបស់យើងឈប់ដំណើរការដូចធម្មតា។ និងការយល់ដឹងថា ពាក្យស្វែងរកណាមួយខុសអក្ខរាវិរុទ្ធញឹកញាប់បំផុតជួយយើងកែលម្អមុខងារពិនិត្យអក្ខរាវិរុទ្ធដែលបានប្រើប្រាស់នៅលើសេវាកម្មរបស់យើង។
- អភិវឌ្ឍសេវាកម្មថ្មីៗ៖ទិន្នន័យជួយយើងអភិវឌ្ឍសេវាកម្មថ្មីៗ។ ឧទាហរណ៍ ការយល់ដឹងរបៀបដែលមនុស្សរៀបចំរូបថតរបស់គាត់នៅក្នុងកម្មវិធីរូបថតដំបូងរបស់ Google "Picasa" បានជួយយើងរចនា និងចាប់ផ្ដើម Google រូបថត។
- ធ្វើឱ្យខ្លឹមសារស្របនឹងអ្នក ដែលមានន័យថាបង្ហាញអ្វីៗដែលយើងគិតថាអ្នកចូលចិត្ត។ ឧទាហរណ៍ ប្រសិនបើអ្នកចូលចិត្តមើលវីដេអូកីឡានៅលើ YouTube យើងអាចណែនាំឱ្យមើលច្រើនទៀត។
- បង្ហាញការផ្សាយពាណិជ្ជកម្មដល់អ្នកផ្អែកតាមព័ត៌មានដូចជាគេហទំព័រដែលអ្នកស្ថិតនៅ ពាក្យស្វែងរកដែលអ្នកបានបញ្ចូល ឬទីក្រុង និងរដ្ឋរបស់អ្នក។
- ប្រតិបត្តិការរង្វាស់៖ យើងប្រើប្រាស់ទិន្នន័យដើម្បីវាស់ស្ទង់ប្រតិបត្តិការ និងស្វែងយល់របៀបប្រើប្រាស់សេវាកម្មរបស់យើង។
- ទំនាក់ទំនងជាមួយអ្នក៖ ឧទាហរណ៍ យើងអាចនឹងប្រើប្រាស់អាសយដ្ឋានអ៊ីមែលរបស់អ្នក ដើម្បីផ្ញើការជូនដំណឹងឱ្យអ្នក ប្រសិនបើយើងរកឃើញសកម្មភាពដែលសង្ស័យ។
តើខ្ញុំអាចសម្រេចចិត្តឱ្យ Google រក្សាទុកអ្វីមួយដោយរបៀបណា?
ជាមួយការកំណត់របស់អ្នក អ្នកអាចដាក់កំហិតទិន្នន័យដែលយើងប្រមូល និងរបៀបប្រើប្រាស់ទិន្នន័យនោះ។ ឧទាហរណ៍ ប្រសិនបើអ្នកមិនចង់ឱ្យយើងរក្សាទុកប្រវត្តិនៅលើ YouTube របស់អ្នកទៅគណនី Google របស់អ្នកទេ អ្នកអាចបិទប្រវត្តិនៅលើ YouTube បាន។ មាតាបិតារបស់អ្នកនឹងទទួលបានការជូនដំណឹង ប្រសិនបើអ្នកធ្វើការផ្លាស់ប្ដូរការត្រួតពិនិត្យសកម្មភាពរបស់អ្នក។ ស្វែងយល់បន្ថែមអំពីការកំណត់ឯកជនភាពរបស់អ្នក
អ្នកនៅតែអាចមើលឃើញ និងគ្រប់គ្រងព័ត៌មានមួយចំនួនអំពីអ្នក និងគណនី Google របស់អ្នកបានជានិច្ច។
តើ Google ធ្លាប់ចែករំលែកព័ត៌មានផ្ទាល់ខ្លួនរបស់ខ្ញុំជាមួយអ្នកដទៃដែរឬទេ?
យើងមិនចែករំលែកព័ត៌មានផ្ទាល់ខ្លួនរបស់អ្នកជាមួយក្រុមហ៊ុន ស្ថាប័ន ឬបុគ្គលខាងក្រៅ Google ទេ លើកលែងតែក្នុងករណីមានកំណត់ ដូចជានៅពេលច្បាប់តម្រូវឱ្យយើងចែករំលែក។ ប្រសិនបើយើងចែករំលែកព័ត៌មាននេះ យើងចាត់វិធានការ ដើម្បីប្រាកដថា វាត្រូវបានការពារ។
យើងអាចនឹងចែករំលែកព័ត៌មានផ្ទាល់ខ្លួនមួយចំនួន៖
- ជាមួយមាតាបិតារបស់អ្នក និងក្រុមគ្រួសារនៅលើ Google។
- នៅពេលអ្នក និងមាតាបិតារបស់អ្នកផ្ដល់ការអនុញ្ញាតឱ្យយើង ឬដោយសារមូលហេតុផ្លូវច្បាប់។ យើងនឹងចែករំលែកព័ត៌មានផ្ទាល់ខ្លួនខាងក្រៅ Google ប្រសិនបើយើងជឿជាក់ថា ការផ្ដល់ព័ត៌មាននេះអាចមានភាពចាំបាច់ ដើម្បី៖
- បំពេញតាមច្បាប់ជាធរមាន បទបញ្ញត្តិ ដំណើរការផ្លូវច្បាប់ ឬសំណើរដ្ឋាភិបាលដែលអាចអនុវត្តបាន។
- អនុវត្តលក្ខខណ្ឌប្រើប្រាស់ជាធរមាន រួមមានការស៊ើបអង្កេតការបំពានដែលអាចកើតមាន។
- រកឃើញ ទប់ស្កាត់ ឬក៏ដោះស្រាយបញ្ហាការក្លែងបន្លំ សន្តិសុខ ឬបច្ចេកទេស។
- ការពារកុំឱ្យប៉ះពាល់ដល់សិទ្ធិ ទ្រព្យសម្បត្តិ ឬសុវត្ថិភាពរបស់ Google អ្នកប្រើប្រាស់របស់យើង ឬសាធារណជន តាមការទាមទារ ឬដោយមានការអនុញ្ញាតដោយច្បាប់។
- សម្រាប់ដំណើរការខាងក្រៅ។ យើងផ្ដល់ព័ត៌មានផ្ទាល់ខ្លួនដល់ក្រុមហ៊ុនដែលយើងធ្វើការជាមួយ ដើម្បីដំណើរការទិន្នន័យ ដោយផ្អែកតាមការណែនាំដែលយើងផ្ដល់ឱ្យគាត់។ ឧទាហរណ៍ យើងប្រើប្រាស់ក្រុមហ៊ុនខាងក្រៅ ដើម្បីឱ្យជួយយើងទាក់ទងនឹងសេវាជំនួយអតិថិជន និងត្រូវចែករំលែកព័ត៌មានផ្ទាល់ខ្លួនជាមួយក្រុមហ៊ុន ដើម្បីឆ្លើយតបសំណួររបស់អ្នកប្រើប្រាស់។
តើនរណាផ្សេងទៀតអាចមើលឃើញអ្វីៗដែលខ្ញុំចែករំលែក ដូចជារូបថត អ៊ីមែល និងឯកសារ?
អ្នកអាចជ្រើសរើសចែករំលែកខ្លឹមសារជាក់លាក់ជាមួយអ្នកផ្សេងទៀតនៅក្នុងកម្មវិធី និងគេហទំព័រ Google ដែលអ្នកប្រើប្រាស់។
កុំភ្លេចថា នៅពេលអ្នកចែករំលែកអ្វីមួយ វាអាចឱ្យមនុស្សផ្សេងទៀតចែករំលែកឡើងវិញ សូម្បីតែនៅក្នុងកម្មវិធី និងគេហទំព័រ ខាងក្រៅ Google។
អ្នកអាចលុបខ្លឹមសាររបស់អ្នកចេញពីគណនីរបស់អ្នកបានគ្រប់ពេល ប៉ុន្តែការធ្វើបែបនេះមិនលុបច្បាប់ចម្លងដែលអ្នកបានចែករំលែករួចហើយទេ។
សូមប្រុងប្រយ័ត្នចំពោះអ្វីដែលអ្នកចែករំលែក និងចែករំលែកតែជាមួយមនុស្សដែលអ្នកជឿទុកចិត្តប៉ុណ្ណោះ។
ដើម្បីស្វែងយល់បន្ថែមអំពីប្រធានបទទាំងនេះ អ្នកនៅតែអាចពិនិត្យមើលគោលការណ៍ឯកជនភាពបានជានិច្ច។