Family Link-ում տվյալների պաշտպանության ուղեցույց երեխաների և դեռահասների համար

Ներկայումս քո Google հաշիվը կառավարում են ծնողներդ։ Դրա համար նրանք կարող են օգտագործել Family Link հավելվածը։ Դու կարող ես ստանձնել քո Google հաշվի կառավարումը, հենց որ չափահաս դառնաս։

Քո ծնողները կարող են՝

• մտնել քո հաշիվ, փոխել հաշվի գաղտնաբառը կամ ջնջել հաշիվը,
  
• կողպել քո հեռախոսը/պլանշետը,
  
• տեսնել, թե որտեղ է քո հեռախոսը/պլանշետը,
  
• ընտրել, թե ինչ հավելվածներ կարող ես օգտագործել,
  
• տեսնել, թե որքան ժամանակ ես օգտագործում քո հավելվածները,
  
• ընտրել, թե ինչ կարող ես տեսնել Google-ի որոշ հավելվածներում (օր․՝ Google Որոնում, YouTube և Google Play ծառայություններում),
  
• կարգավորել քո գործողությունների հետագծման պարամետրերը (սրանք այն կարգավորումներ են, համաձայն որոնց քո կատարած գործողությունների մասին տեղեկությունները պահվում են Google-ում),
  
• ընտրել կարգավորումներ և թույլտվություններ քո հավելվածների համար,
  
• ընտրել անուն, ծննդյան ամսաթիվ և այլ տեղեկություններ քո հաշվի համար,
  
• նշել, թե ինչ կարող ես ներբեռնել կամ գնել Google-ի որոշ արտադրանքներում, օր․՝ Google Play-ում։

Այո, դու կարող ես փոխել քո մասին պահվող որոշ տվյալներ։ Եթե փոփոխություններ կատարես գաղտնիության որոշ կարգավորումներում (օր.՝ փոխես Գործողությունների հետագծման կարգավորումները), մենք այդ մասին կտեղեկացնենք քո ծնողներին։ Նրանք նույնպես կարող են օգնել քեզ փոխել կարգավորումները։

Դու և քո ծնողը միշտ կարող եք տեսնել և կառավարել քո և քո Google հաշվի մասին որոշ տեղեկություններ։

Այն ամենը, ինչով կիսվում ես համացանցում (օր.՝ էլեկտրոնային նամակները կամ լուսանկարները), կարող է հասանելի դառնալ բազմաթիվ մարդկանց։ Կիսվիր տվյալներով միայն այն մարդկանց հետ, որոնց վստահում ես։ Անհրաժեշտության դեպքում խորհրդակցիր ծնողներիդ կամ քո ընտանեկան խմբի անդամների հետ։

Ուզո՞ւմ ես իմանալ ավելին Խնդրիր ծնողներիդ բացատրել Գաղտնիության քաղաքականության դրույթները։

Ներկայումս քո հաշիվը կառավարում են ծնողներդ։ Դրա համար նրանք կարող են օգտագործել Family Link հավելվածը, մինչև որ դու չափահաս դառնաս և կարողանաս այն ինքնուրույն կառավարել։
Քո ծնողները կարող են՝

• մտնել քո հաշիվ, փոխել հաշվի գաղտնաբառը կամ ջնջել հաշիվը,
• սահմանափակումներ դնել, օրինակ՝ երբ և որքան ժամանակ դու կարող ես օգտագործել սարքերդ, օրինակ՝ հեռախոսները կամ պլանշետները,
• տեսնել, թե որտեղ է քո հեռախոսը/պլանշետը,
• ընտրել, թե ինչ հավելվածներ կարող ես օգտագործել,
• տեսնել, թե որքան ժամանակ ես օգտագործում քո հավելվածները,
• կառավարել բովանդակության կարգավորումները Google-ի որոշ հավելվածներում և կայքերում, օր․՝ Google Որոնում, YouTube կամ Google Play ծառայություններում: Կարգավորումներից է կախված, թե ինչ դու կտեսնես:
• կառավարել քո հաշվում գործողությունների հետագծումը (օր․՝ YouTube-ի պատմությունը), այդ թվում՝ արգելափակել որոշ կարգավորումների փոփոխումը քո կողմից,
• ստուգել քո հեռախոսի/պլանշետի հավելվածների թույլտվությունները, օրինակ՝ արդյոք հավելվածները կարող են օգտագործել խոսափողը, տեսախցիկը կամ կոնտակտները,
• տեսնել, փոփոխել կամ ջնջել քո հաշվի տվյալները (օր․՝ անունը, սեռը կամ ծննդյան ամսաթիվը),
• հաստատել Google-ի որոշ հավելվածներից և կայքերից (օր․՝ Google Play-ից) քո ներբեռնումներն ու գնումները։

Այո, դու կարող ես փոխել քո մասին պահվող որոշ տվյալներ։ Օրինակ, եթե չես ուզում, որ մենք պահենք քո YouTube-ի պատմությունը Google հաշվում, կարող ես անջատել այն։ Եթե փոփոխություններ կատարես գաղտնիության որոշ կարգավորումներում (օր.՝ փոխես Գործողությունների հետագծման կարգավորումները), մենք այդ մասին կտեղեկացնենք քո ծնողներին։ Նրանք նույնպես կարող են օգնել քեզ փոխել կարգավորումները։

Դու և քո ծնողը միշտ կարող եք տեսնել և կառավարել քո և քո Google հաշվի մասին որոշ տեղեկություններ։

Այն ամենը, ինչով կիսվում ես համացանցում (օր.՝ էլեկտրոնային նամակները կամ լուսանկարները), կարող է հասանելի դառնալ բազմաթիվ մարդկանց։ Հենց որ տվյալները հայտնվում են համացանցում, դրանք այնտեղից հեռացնելը կարող է բավականին բարդ լինել։ Կիսվիր տվյալներով միայն այն մարդկանց հետ, որոնց վստահում ես։ Անհրաժեշտության դեպքում խորհրդակցիր ծնողներիդ կամ քո ընտանեկան խմբի անդամների հետ։

Ուզո՞ւմ ես իմանալ ավելին Խնդրիր ծնողներիդ բացատրել Գաղտնիության քաղաքականության դրույթները։

Ծնողներդ կարող են օգտագործել Family Link հավելվածը՝ քեզ հետ միասին քո Google հաշվի որոշ գործառույթներ կառավարելու համար։ Կախված նրանից, թե ինչ սարք ես օգտագործում, նրանք կարող են՝

• մտնել քո հաշիվ, փոխել հաշվի գաղտնաբառը կամ ջնջել հաշիվը,
• սահմանափակումներ դնել, օրինակ՝ որքան ժամանակ և որ ժամերին կարող ես օգտագործել քո սարքերը,
• տեսնել քո միացված սարքերի տեղադրությունը, որոնցում մտել ես հաշիվ և օգտագործում ես,
• կառավարել քո հավելվածները և տեսնել, թե որքան ես դու օգտագործում դրանք,
• կառավարել բովանդակության կարգավորումները Google-ի որոշ հավելվածներում և կայքերում, օր․՝ Google Որոնում, YouTube կամ Google Play ծառայություններում: Կարգավորումներից է կախված, թե ինչ դու կտեսնես:
• կառավարել քո հաշվում գործողությունների հետագծումը (օր․՝ YouTube-ի պատմությունը), այդ թվում՝ արգելափակել որոշ կարգավորումների փոփոխումը քո կողմից,
• ստուգել քո սարքի հավելվածների թույլտվությունները, օրինակ՝ արդյոք հավելվածները կարող են օգտագործել խոսափողը, տեսախցիկը կամ կոնտակտները,
• տեսնել, փոփոխել կամ ջնջել քո հաշվի տվյալները (օր․՝ անունը, սեռը կամ ծննդյան ամսաթիվը),
• հաստատել Google-ի որոշ հավելվածներից և կայքերից (օր․՝ Google Play-ից) քո ներբեռնումներն ու գնումները։

Կարգավորումների օգնությամբ դու կարող ես սահմանափակել մեր կողմից տվյալների հավաքումը և դրանց օգտագործումը։ Օրինակ, եթե չես ուզում, որ մենք պահենք քո YouTube-ի պատմությունը Google հաշվում, կարող ես անջատել այն։ Եթե փոփոխություններ կատարես Գործողությունների հետագծման կարգավորումներում, մենք այդ մասին կտեղեկացնենք քո ծնողներին։ Իմացիր ավելին գաղտնիության կարգավորումների մասին

Դու միշտ կարող ես տեսնել և կառավարել քո և քո Google հաշվի մասին որոշ տեղեկություններ։

Դու կարող ես կիսվել որոշակի տեղեկություններով այլ օգտատերերի հետ Google-ի հավելվածներում և կայքերում, որոնք օգտագործում ես։

Միշտ հիշիր, որ երբ որևէ բանով կիսվում ես այլ օգտատերերի հետ, նրանք կարող են իրենց հերթին կիսվել այդ տվյալներով Google-ից դուրս՝ կողմնակի հավելվածներում և կայքերում։

Դու ցանկացած ժամանակ կարող ես հեռացնել քո սեփական բովանդակությունը քո հաշվից, սակայն դրանով չեն ջնջվի այն բովանդակության պատճենները, որով դու արդեն կիսվել ես։

Լավ մտածիր՝ նախքան որևէ բանով կիսվելը, և կիսվիր միայն այն մարդկանց հետ, որոնց վստահում ես։

Այս թեմաների մասին ավելին իմանալու համար ծանոթացիր Գաղտնիության քաղաքականությանը։